Астаналық миллиард теңгеге жуық салық төлемеген 19 қараша 2021, 13:48
Елорда тұрғыны жалған шот жазып, мемлекетке 900 миллион теңге көлемінде залал келтірген. Бұл туралы қаржы мониторингі агенттігінің баспасөз қызметі мәлімдеді, - деп хабарлайды Tengrinews.kz тілшісі.
Нұр-Cұлтан қаласы бойынша Экономикалық тергеп-тексеру департаменті жалған бухгалтерлік құжаттарды жазу дерегі бойынша "АйДи Строй 2030" ЖШС директорына қатысты қылмыстық істі аяқтады.
"Тергеу барысында Д.Құрманғожинова 2017-2018 жылдар аралығында серіктестік атынан түрлі компаниялармен жалған мәмілелер жасағаны анықталды. Нәтижесінде, мемлекетке төленбеген салық түрінде 900 миллион теңгеден аса сомаға залал келтірілді", - делінген хабарламада.
Оған 3,5 жылға бас бостандығынан айыру жазасы тағайындалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!