Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Атырау - Астана жолаушылар пойызының терезесін сындырып кетті

25 Желтоқсан 2014, 16:47
0
©brd24.com
©brd24.com

Ақтөбе облысында көліктегі полицейлер жолаушылар пойызының терезесін сындырған екі адамды ұстады, - деп хабарлайды Tengrinews.kz тілшісі ҚР ІІМ КІІД баспасөз қызметіне сілтеме жасап.

24 желтоқсанда Қандыағаш станциясындағы желілік полициясына Атырау - Астана жолаушылар пойызының екі жолсерігі 02.00-де РЗД 315 - Қандыағаш өткелінде белгісіз біреулердің екі вагонның терезелерін сындырғанын хабарлайды. Баспасөз қызметінің хабарлауынша, жедел-тергеу шаралары кезінде желілік полиция бөлімшесінің қызметкерлері Атырау облысының екі тұрғынын ұстады. Оның бірі - 29 жаста, екіншісі - 33-те. 

ҚР ҚК 258-бабы ("Вандализм") бойынша қылмыстыс іс қозғалды. Тергеу шаралары жүргізіліп жатыр. 

"Жыл басынан бері жолаушылар пойызы терезелерін сындырудың 139 дерегі тіркелді. 70-тен астам қылмыстық іс қозғалды. Теміржол нысандарында заңға қайшы әрекет жасауға әкімшілік және қылмыстық жауапкершілікке тарту қарастырылған. Елдің көліктегі полицейлері халықты саналы болуға және пойыздар мен теміржол нысандарында ереже сақтауға шақырады", - деді ҚР Ішкі істер министрлігінің Көліктегі ІІД баспасөз хатшысы Ләззат Әленова.

Бұған дейін Жезқазған - Қарағанды бағытындағы электр пойызда үш жолаушы, үш жолсерік пен бір бригадирдің қатысуымен жаппай төбелес болғаны хабарланған еді. Көлік полициясы пойызда жаппай төбелес шығарған Қарағанды облысының үш тұрғынын ұстады. Олар - 1990, 1991 және 1992 жылы туылған жігіттер, құқық қорғау органдары мамандарының айтуынша, оқиға болған кезде олар мас болған. Қазір ұсталғандар Жезқазған қалалық ІІБ уақытша ұстау изоляторында отыр.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай