11 наурыз 2022 | 09:23

Атырау облыстық құрылыс басқармасы басшысының екінші экс-орынбасары ұсталды - БАҚ

Дина Шарипханова Корреспондент

Мерей Жантореев. © azh.kz

10 наурызға қараған түні Атырау облысы құрылыс басқармасы басшысының бұрынғы орынбасары Мерей Жантөреев ұсталды. Бұл туралы "Ақ Жайық" басылымы хабарлады, - деп хабарлайды Tengrinews.kz тілшісі.

10 наурызға қараған түні Атырау облысы құрылыс басқармасы басшысының бұрынғы орынбасары Мерей Жантөреев ұсталды. Бұл туралы "Ақ Жайық" басылымы хабарлады, - деп хабарлайды Tengrinews.kz тілшісі.

Жантөреев облыстық құрылыс басқармасы басшысының бұрынғы екінші орынбасары. 10 ақпанда Атырауда құрылыс басқармасы бастығының бұрынғы орынбасары Нұрқуат Нудин ұсталған, ол ұсталған кезде денсаулық сақтау басқармасы бастығының қаржылық мәселелер жөніндегі орынбасары болған.

16 ақпанда ҚР Қаржы мониторингі агенттігінің баспасөз қызметі Атырау облысы бойынша аумақтық департаментімен облыстық құрылыс басқармасының лауазымды тұлғаларына және "Техника-Рем строй" ЖШС басшысына қатысты әлеуметтік нысандар құрылысына бөлінген аса ірі мөлшерде бюджет қаражатын жымқыру фактісі бойынша соталды тергеу жүргізіліп жатқанын ресми түрде хабарлады.

Әңгіме мектеп, екі отбасылық дәрігерлік амбулатория және дене шынықтыру-сауықтыру кешені туралы болып отыр. Іс ҚР Қылмыстық кодексінің 189-бабы ("Бөтеннің сеніп тапсырылған мүлкін иемденіп алу немесе иемдену") бойынша сараланған.

Басылым мәліметінше, дәл осы қылмыстық іс бойынша Жантөреевке қатысты тергеу жүріп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Ұстау қылмыс қызмет шенеуніктер