20 қыркүйек 2016 | 13:27

Атырауда жаңа туған сәбиді 5 мың долларға сатпақ болған дәрігер сотталды

Атырау облысында перзентхана қызметкері сәбиді сатпақ болғаны үшін сотталды, - деп хабарлайды Tengrinews.kz тілшісі облыстық соттың баспасөз қызметіне сілтеме жасап.

Атырау облысында перзентхана қызметкері сәбиді сатпақ болғаны үшін сотталды, - деп хабарлайды Tengrinews.kz тілшісі облыстық соттың баспасөз қызметіне сілтеме жасап.

Атырау облысындағы перинаталдық орталықтың қызметкері пайдакүнемділік мақсатта биологиялық ата-аналары бас тартқан жаңа туған сәбиді сатпақ болған. Ол сатып алушылармен сәбиді сату үшін қойылған шарттарды айту мақсатында кездесу белгілеп қойған.

Медициналық қызметкер сатып алушылардан бес мың доллар сұраған. Алдын ала төлем ретінде ақшаның жартысын алған. "2016 жылдың 19 маусымында шамамен сағат 13.21-де сотталушы әйел қалған 2 500 доллар ақшаны алып, сәбиді солай сатып жіберген. Содан полиция қызметкерлерінің тінту жұмыстары барысында сатып алушылардың берген 2 500 доллар көлеміндегі ақша тәркіленді", - деп хабарлады Атырау облыстық сотындағылар.

Соттың үкімімен перинаталдық орталықтың қызметкері ҚР Қылмыстық кодексінің 135-бабы бойынша ("Кәмелетке толмағандар саудасы") айыпты деп танылды. Сотталушы әйелдің мүлкі тәркіленіп, бес жылға бас бостандығынан айырылды. Ол жазасын жалпы режимдегі түзету колониясында өтейтін болады.

Құқық қорғау органдары Сот төрелігі Медицина Балалар Атырау

TENGRI travel