+7 (777) 001 44 99
Қазақша
Русский
English
Атырау облысы бойынша Мемлекеттік кірістер департаментінің бұрынғы басшысы 10 жылға бас бостандығынан айырылды. Ол ақша бопсалады деп айыпталды, - деп хабарлайды Tengrinews.kz тілшісі.
Атырау қаласы № 2 сотының баспасөз қызметінің мәліметінше, үкім 13 қазанда шығарылған.
"Сот сотталушының лауазымды тұлға бола отырып, тәртіптік сипаттағы шараларды қабылдамағаны үшін қоластындағылардан бопсалау арқылы 3 000 доллар пара алғанын анықтады. Қабылданған антты бұзу ауырлататын жағдай деп танылды.
Жасалған сыбайлас жемқорлық қылмыстың ауырлығы мен сипатын, сондай-ақ сотталушының жасаған ісіне өкінбегенін ескере отырып, сот бас бостандығынан айыруды тағайындауды әділ шешім деп тапты", - делінген хабарламада.
Сотталушы өмір бойы мемлекеттік қызметте қызмет атқару құқығынан айырылды
Сот үкімі заңды күшіне енген жоқ.
Қазақстан жаңалықтары. Соңғы жаңалықтар. Telegram желісінде бізге жазыл!
