+7 (777) 001 44 99
Қазақша
Русский
English
Атырауда өз қызын бір жыл бойы азғырып келген ер адам 15 жылға бас бостандығынан айырылды, - деп хабарлайды Tengrinews.kz тілшісі "Мой город" басылымына сілтеме жасап.
Қылмыстық істер жөніндегі мамандандырылған ауданаралық сотында өз қызын азғырды деп айыпталған ер адамға қатысты үкім шықты. Сондай-ақ, айыпталушы үйінде оқ-дәрілерді заңсыз сақтаған.
"Сотталушының кінәсі куәгерлер, жәбірленуші айғағы, сараптама нәтижелері және бейне жазбалармен толық дәлелденді", - деді облыстық соттың баспасөз қызметі өкілдері.
Сот үкімі бойынша ер адам Қылмыстық кодекстің 124 және 287-баптары - "Кәмелетке толмаған балаларды азғыру" және "Қаруды, оқ-дәрілерді, жарылғыш заттарды заңсыз сатып алу, беру, өткізу, сақтау, тасымалдау немесе алып жүру" бойынша қылмыс жасағаны үшін кінәлі деп танылған.
Ер адам 15 жылға бас бостандығынан айырылған. Ол жазасын қатаң режимдегі колонияда өтейді. Сондай-ақ, оған өмір бойына ұстаздық қызмет атқаруға және кәмелетке толмағандармен жұмыс істеуге тыйым салынған. Соттың үкімі заңды күшіне енді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
