1. Басты
  2. Біл
  3. Оқиға
  4. Қылмыс

Атырауда шетелдіктер жұмыс істейтін кәсіпорында төбелес болған

Атырауда шетелдіктер жұмыс істейтін кәсіпорында төбелес болды. Бұл туралы ішкі істер министрінің бірінші орынбасары Марат Қожаев айтты, - деп хабарлайды Tengrinews.kz тілшісі.

"Таяуда 23 ақпанда Атыраудағы кәсіпорындардың бірінде төбелес болды. Онда қылмыс болмаса, шетелдіктердің жұмыс істеп жүргенін білмес пе едік? 300-ден аса адам. Түркия, Әзірбайжан, Өзбекстан, Қырғызстан елдерінің азаматтары жұмыс істейтін ЖШС", - деді Қожаев.

Тергеу барысында кәсіпорында 138 шетелдіктің заңсыз жұмыс істейтіні анықталды.

"Бірнеше адам сөзге келіп қалған. (...) Бұл жағдай болмағанда ол ЖШС-ты тексеруге бармас та едік. Төбелестің мән-жайын анықтау барысында 138 шетелдіктің заңсыз жұмыс істеп жүргені белгілі болды. Олар еңбек мигранттары ретінде рәсімделмеген. Шетелдіктер біздің елге басқа мақсатпен келген. Бірақ ЖШС көші-қон заңнамасын бұзып отыр. Екі қазақстандық сөзге келіп қалған", - деді Қожаев.