+7 (777) 001 44 99
Қазақша
Русский
English
Атырау облысында зейнеткерді өлтірген екі ер адамға қатысты сот үкімі шықты, - деп хабарлайды Tengrinews.kz тілшісі облыстық соттың баспасөз қызметіне сілтеме жасап.
Қылмыстық істің материалы бойынша, былтыр шілдеде бұрын істі болған екі ер адам ішімдік ішкен. Арағы таусылған кезде ақша болмағандықтан, көрші үйдегі зейнеткерді тонайды. Олар зейнеткердің аздап жиғаны барын біліпті.
Қолына темір алған біреуі қарияның есігін қағады. Ер адам қарияны есікті ашқан кезде ұрып құлатқан. Мұнымен тоқтамай жерде жатқан егде адамның басынан соққылайды. Салдарынан қарт сол жерде көз жұмған. Оның қимылсыз жатқанын көргеннен кейін олар үйден 100 000 теңге мен банк картасын алып кеткен.
Сотта екі айыпталуышының да кінәсі толық дәлелденді. Қарияны өлтірген ер адам 16 жылға бас бостандығынан айырылды. Ал оның танысы қылмысты жасырғаны үшін үш жылға сотталды. Сот үкімі заңды күшіне енді.
