+7 (777) 001 44 99
Қазақша
Русский
English
19 қаңтар 2022 | 12:52
Автоматтар мен гранаталар. Тараз тұрғыны гаражында қару-жарақ жасырған
Таразда тәртіпсіздік кезінде ұрланған қару-жарақтарды гаражында жасырған тұрғын ұсталды, - деп хабарлайды Tengrinews.kz тілшісі Жамбыл облысы Полиция департаментiнің баспасөз қызметіне сілтеме жасап.
ПОДЕЛИТЬСЯ
Таразда тәртіпсіздік кезінде ұрланған қару-жарақтарды гаражында жасырған тұрғын ұсталды, - деп хабарлайды Tengrinews.kz тілшісі Жамбыл облысы Полиция департаментiнің баспасөз қызметіне сілтеме жасап.
ПД мәліметінше, жедел іс-шаралар барысында Тараз Полиция басқармасы қызметкерлері 24 жастағы қала тұрғынын ұстаған. Ер адам ұрланған қару-жарақтарды гаражда сақтаған.
"Ол қаруларды жаппай тәртіпсіздік кезінде ұрлап, гараж шұңқырына жасырғанын және кейіннен оны сатуға дайындағандығын мойындады. Күдіктіден барлығы 10 "Макаров" тапаншасы, 4 "Калашников" автоматы мен 2 шулы граната тәркіленді", - делінген хабарламада.
Дерек бойынша соталды тергеп-тексеру амалдары басталған. Күдіктінің басқа да қылмыстарға қатыстылығы анықталып жатыр. Тәркіленген қару-жарақтарға қатысты арнайы сот-баллистикалық сараптама тағайындалған.
Бұған дейін Алматы қаласы Алмалы ауданында киім-кешек пен аяқкиім сататын дүкенді тонап кеткен үш ер адам ұсталғаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
