+7 (777) 001 44 99
Қазақша
Русский
English
27 қазан 2017 | 21:49
Айыптауды естіген Тоқтар Төлешов сот залында күліп жіберді
Айыптауды естіген Тоқтар Төлешов сот залында күліп жіберді, - деп хабарлайды Отырар телеарнасы. Төлешовтің ісі бойынша сот отырысы аяқталуға жақын. Бүгін Еңбекшіқазақ сотында тараптардың сөзжарысы өтті.
ПОДЕЛИТЬСЯ
Айыптауды естіген Тоқтар Төлешов сот залында күліп жіберді, - деп хабарлайды Отырар телеарнасы. Төлешовтің ісі бойынша сот отырысы аяқталуға жақын. Бүгін Еңбекшіқазақ сотында тараптардың сөзжарысы өтті.
Бастапқыда мемлекеттік айыптаушы салық төлемеу салдарынан келген шығынды бір жарым миллиард теңге ретінде көрсеткен. Төлешов пен оның адвокаты бұл талап-арызбен келіспейтінін айтты. Кейін прокурор айыптау қорытындысын шығарды.
Төлешовке оннан аса қылмыс эпизоды бойынша айып тағылды: салықты жасыру, лауазымды тұлғаларды заңбұзушылыққа тарту және өзге де экономикалық әрі парақорлық қылмыстар. Айыптаушының сөзі бір жарым сағатқа созылды. Қорытындысында прокурор жаза шарасы туралы айтты: баптарды біріктіргенде мүлкін тәркілей отырып, 5 жылға бас бостандығынан айыру. Алайда Астананың Жоғарғы сотының бұған дейін шығарған 21 жылға бостандықтан айыру түріндегі үкімін есепке алғанда, жеңіл жазаның орнын ауыр жазамен ауыстырып, 21 жылға бостандықтан айыру жазасын қалдыру сұралды.
Прокурордың бұл сөзіне Төлешов мырс етіп, күлкісін жасыра алмаған.
Төлешовтің ісі бойынша тағы бір фигурант - салықшы Қарақожаев Нұржанға қатысты прокурор айыпты деп танып, екі жылға бас бостандығынан айыруды, алайда жеңілдететін жағдайларды есепке ала отырып және рақымшылықты қолдану арқылы екі жылға бас бостандығынан шектеу жазасын тағайындауды сұрады.
Показать комментарии
Читайте также
