+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы қаласы бойынша қаржы полициясы департаменті Азиада-2011 кезіндегі ақша жымқыруға қатысты қылмыстық істі тергеуді аяқтады, - деп хабарлайды Tengrinews.kz тілшісі ведомствоның баспасөз қызметіне сілтеме жасап.
Алматы қаласы бойынша қаржы полициясы департаменті Азиада-2011 кезіндегі ақша жымқыруға қатысты қылмыстық істі тергеуді аяқтады, - деп хабарлайды Tengrinews.kz тілшісі ведомствоның баспасөз қызметіне сілтеме жасап.
"2011 жылғы VII Азия ойындарының ұйымдастыру комитетінің атқарушы дирекциясы" АҚ басқарма бастығы Айдар Мусинге алаяқтық жасады, ақшаны заңдастырды және кәсіпкерлік қызметке заңсыз араласты деген күдік келтірілді. Тергеудің мәліметінше, шенеунік 2009-2010 жылдары Q-Service ЖШС-ні заңсыз басқарып, Азиада-2011 нысандарында телекоммуникациялық жабдықтарды жөндеу бойынша мердігерлік жұмыстарды атқаруға келісім жасау кезінде компанияға жеңілдіктер ұсынған.
Тергеу барысында бұл әрекетке жалған кәсіпорын есепшоттары пайдаланылып, жабдықтардың жобалық-сметалық құжаттамасындағы бағасының тым жоғарылатылғаны белгілі болды. Азиадаға дайындық кезінде, сондай-ақ, бюджеттің 800 млн теңгесі жымқырылған, Мусин оның жартысын зәулім үй мен 2009 және 2011 жылы шыққан BMW 750 және Mercedes Benz Е-250 автокөліктерін сатып алуға жұмсаған. Тергеу барысында мүлікке тыйым салынды, қылмыстық іс сотқа жолданды.
