+7 (777) 001 44 99
Қазақша
Русский
English
Қазақша
Русский
English
Балқаш қаласының ІІД криминалдық полиция басқармасының қызметкерлері қарияны ұрып-соққан 20 жастағы ер адамды ұстады, - деп хабарлайды Tengrinews.kz тілшісі Қарағанды облысы ІІД баспасөз қызметіне сілтеме жасап.
"31 қаңтарда Балқаш қаласының 78 жастағы тұрғыны жедел жәрдем машинасымен ауруханаға жеткізілді", - делінген баспасөз хабарламасында. Зейнеткер тәртіп сақшыларына белгісіз біреудің өз пәтеріне кіріп келіп, қол сүйменімен (монтировка) ұрғанын айтып берді. Ер адам пәтердегі бағалы заттарды алып, қашып кеткен.
Жедел-іздестіру шаралары кезінде жас жігіт ұсталды. Полицейлердің айтуынша, күдікті өз кінәсін толық мойындап, алтын алқа, кеудеге тағатын крест және ақшаны алғанын айтты. Одан заттай айғақтар тәркіленді.
Күдіктіге қатысты ҚР ҚК 192-бабы - "Қарақшылық" бойынша қылмыстық іс қозғалды. Қазіргі уақытта алдын ала тергеу жүргізіліп жатыр.
Еске сала кетейік, бұған дейін Астанада зейнеткерлерді тонаған екі күдіктінің қолға түскені хабарланған еді. Қылмыскерлер зейнеткерлерді адам аз жүретін жерге алдап шығарып, күш көрсету арқылы ақшаларын тартып алып отырған. Осылайша, олар 72 жастағы қарияның 58 мың теңгесін ұрлап кетсе, сексенге таяған кейуананың 70 мың теңгесін қаққан.
