+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Балқашта ер адамдар полицейлердің бірінің погонын жұлып алған. Ал құқық қорғау органдары оларды тыныштандырмақ болған кезде екінші ер адам полицейді ұрып жіберген, - деп хабарлайды Tengrinews.kz тілшісі.
Балқашта ер адамдар полицейлердің бірінің погонын жұлып алған. Ал құқық қорғау органдары оларды тыныштандырмақ болған кезде екінші ер адам полицейді ұрып жіберген, - деп хабарлайды Tengrinews.kz тілшісі.
Облыстық ішкі істер департаментінің баспасөз қызметіндегілердің мәліметінше, 31 шілдеде Балқаш полиция қызметіне демалыс орындарының біріндегі қызметкерден қоңырау келіп түскен. Тәртіп сақшыларының айтуынша, демалуға келген екі азамат ішімдік ішіп, қоғамдық тәртіпті бұзған. Оқиға орнына екі полиция қызметкері барып, екі демалуышыны тыныштандырмақ болған. Алайда, ер адамдар қиқарланып, полициядағылармен жанжал шығарған. Құқықбұзушылардың бірін ұстаған кезде ол полиция қызметкерінің погонын жұлып алса, екінші құқықбұзушы көлікке отырғысы келмей, полицейді ұрып жіберген.
"Бұл дерек ҚР Қылмыстық кодексінің "Билік өкiлiне қатысты күш қолдану" бабы бойынша сотқа дейінгі бірыңғай тіркеу реестріне тіркелді. Осы бап бойынша екі жылға бас бостандығынан, ал қылмыстың салдары ауыр болса құқықбұзушыларға он жылға дейін бас бостандығынан айыру жазасы қолданылады", - деді облыстық ІІД баспасөз қызметіндегілер.
