+7 (777) 001 44 99
Қазақша
Русский
English
Маңғыстау облысындағы Жетібай ауылында белгісіз адамдар тобы тұрғын үйге оқ жаудырған, - деп хабарлайды "Қазақстан-Ақтау" телеарнасы. Телеарна мәліметінше, оқиға 9 мамырда таңғы бес шамасында болған. Белгісіз адамдар тобы қырық жастағы ер адамның үйіне баса көктеп кіруді көздеген. Үйге кіре алмағаннан кейін, олар терезелерге оқ атқан. Оқ атылған кезде үйде жүкті әйел мен балалар болған.
Куәгерлердің айтуынша, ызалы топ алкогольдік ішімдікке мас болған. Үйге кіре алмаған олар, тоқтаусыз оқ атқан. Оқиға орнында қылмыскерлер ұялы телефон қалдырып кеткен. Үй иесі Қарақиян АІІБ-не барып арыз берген, бірақ қылмыскерлерді ұстамаған.
"Менің күйеуім айғайлай бастады, ол үйде жүкті әйел мен балалар барын айтты. Олардың үйге кірмесі үшін барлық амалды жасады. Бірақ олар оны тыңдамай, терезеден көздеп оқ атты. Құдай сақтап менің күйеуіме оқ тиген жоқ. Міне оқ іздері", - дейді Сандуғаш Нилгалиева.
