13 мамыр 2014 | 21:51

БҚО-да аудан әкімінің орынбасары және 5 ауылдың басшылары сотталды

Фото metronews.ru сайтынан алынды

Батыс Қазақстан облысында аудан әкімінің орынбасары және 5 ауылдық округтің басшылары сотталды, - деп хабарлайды Tengrinews.kz "Мой город" порталына сілтеме жасай отырып.

Батыс Қазақстан облысында аудан әкімінің орынбасары және 5 ауылдық округтің басшылары сотталды, - деп хабарлайды Tengrinews.kz "Мой город" порталына сілтеме жасай отырып.

Сот Жәнібек ауданы әкімінің орынбасары Рүстем Қарашинді өзіне сеніп тапсырылған мүлікті меншіктеп алды деп айыптап, 5 жылға бас бостандығынан айырды. Тергеу деректеріне сүйенсек, шенеунік Жәнібек ауылын ауыз сумен қамтамасыз етуге бөлінген ірі көлемдегі қаржыны қолды еткен. Мемлекетке келтірілген шығын көлемі 1,1 миллион теңгені құрады.

Сондай-ақ 5 ауылдың жолдарын жөндеуге бөлінген 810 мың теңге де ұрланған. Осы 5 ауылдың әкімдері де бюджет қаржысын жымқырды деген айыппен кінәлі деп танылды. Тергеу жұмыстары анықтағандай басшылар қызметтік актілерге жалған деректер жазған. Олар шартты түрде 3 жылға сотталды.

Жәнібек ауданы әкімдігінің "Жолаушы" мемлекеттік коммуналдық кәсіпорыны басшысының міндетін атқарушы Марлен Сайхаденов бюджет қаржысын ұрлаудағы сыбайластығы үшін және "ЖанибекСтройСервис" ЖШС-ның заңсыз әрекеттеріне қатысы бар деп танылып, оған да айып тағылды. Ол да шартты мерзімге сотталды.