+7 (777) 001 44 99
Қазақша
Русский
English
БҚО-да қылмыстық істі 5 миллион теңгеге жауып беруге уәде берген тергеушілер ұсталды, - деп хабарлайды Tengrinews.kz тілшісі Сыбайлас жемқорлыққа қарсы қызмет агенттігінің баспасөз қызметіне сілтеме жасап.
Баспасөз қызметінің мәліметінше, Сыбайлас жемқорлыққа қарсы қызмет агенттігінің Батыс қазақстан облысы бойынша департаменті облыстық экономикалық тергеу департаменті тергеу басқармасының аға тергеушісі мен жедел уәкілге қатысты тергеуді бастаған.
"Олар 2020 жылы 1 қазанда азамат Т-ны алдау және сенімін пайдалану арқылы басқа органның өндірісіндегі қылмыстық істі тоқтатуға ықпал ету сылтауымен 5 миллион теңге сомасындағы ақшалай қаражатын иемденген. БҚО бойынша экономикалық тергеу департаменті қызметкерлері ҚР Қылмыстық-процестік кодекстің 128-бабына сәйкес ұсталып, Оралдағы уақытша тергеу изоляторына қамалды", - делінген хабарламада.
Сыбайлас жемқорлыққа қарсы қызмет агенттігі бұл іске қатысты шешімді сот шығаратынын атап өтті.
Қазақстан жаңалықтары. Соңғы жаңалықтар. Telegram желісінде бізге жазыл!
