25 қараша 2015 | 23:32

БҚО-да терезесінен бүлдіршін құлап түскен балабақшаның директоры мен қызметкерлері жұмыстан уақытша шеттетілді

БҚО-да терезесінен бүлдіршін құлап түскен балабақшаның директоры мен қызметкерлері жұмыстан уақытша шеттетілді. Бұл туралы Tengrinews TV тілшісіне Орал қаласының білім беру басқармасының басшысының орынбасары Батиқа Пайдина айтып берді.

БҚО-да терезесінен бүлдіршін құлап түскен балабақшаның директоры мен қызметкерлері жұмыстан уақытша шеттетілді. Бұл туралы Tengrinews TV тілшісіне Орал қаласының білім беру басқармасының басшысының орынбасары Батиқа Пайдина айтып берді.

Оның айтуынша, оқиға болған күні бүлдіршін балабақшада болғысы келмей, бұзық болған, ішінің ауырғанын айтқан. Таңғы ас ішкеннен кейін баланы тәрбиешінің көмекшісімен бірге қалдыру туралы шешім қабылданған. Көмекші бөлмені реттеп жатқанда 4 жасар Арнұр терезені ашып, секіріп кеткен.

Болған оқиғаға байланысты соталды тергеу жүргізіліп жатыр. Қазіргі уақытта бала анасымен бірге ауруханада. Оның жағдайын дәрігерлер "орташа тұрақты" деп бағалады. Ол дәрігерлердің қадағалауында.