+7 (777) 001 44 99
Қазақша
Русский
English
Бота Жұмановаға шабуыл жасады делінген ер адам оны тонамақ болған, - деп хабарлайды Тengrinews TV Алматы ІІД баспасөз қызметіне сілтеме жасап. 22 жастағы жігіт құрбанды әдейі таңдамағанын, көшеде көріп қалып, кейін ізінен ергенін айтты. Ол көршілердің айғайынан кейін қызды тонай алмаған.
Шабуыл жасаған адамның Жаркент тумасы екені анықталды. Ол құрбанының тілші екенін жаңалықтардан білген. Күдікті уақытша ұстау изоляторына қамалды. "Тергеу қылмыстық істі "Тонау" бабына ауыстыру мәселесін шешіп жатыр", - деді Алматы ІІД. Еске сала кетейік, қылмыстық іс бұған дейін "Бұзақылық" бабы бойынша қозғалған еді.
Еске сала кетейік, Алматыда журналист Ботагөз Жұмановаға жасалған шабуылдың видеосы жарияланған еді. Оқиға 8 қазан күні кешке болған. Видеодан бір жігіттің журналист қыздың соңынан ілесіп келіп, бірер секундтан кейін оны соққыға жығып, ұрып, тепкінің астына алып, қашып кеткенін көруге болады.
