+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Нұр-Сұлтанның қылмыстық істер жөніндегі мамандандырылған ауданаралық соты адам органдарын заңсыз трансплантациялау туралы істі қарады, - деп хабарлайды Tengrinews.kz тілшісі.
Нұр-Сұлтанның қылмыстық істер жөніндегі мамандандырылған ауданаралық соты адам органдарын заңсыз трансплантациялау туралы істі қарады, - деп хабарлайды Tengrinews.kz тілшісі.
Іс бойынша айыпталушылар - белгілі қазақстандық трансплантолог Ғани Құттымұратов, Шымкенттің № 1 Қалалық клиникалық ауруханасының бұрынғы бас дәрігері Абылай Донбай және Қырғызстан азаматы Бермет Тайсалова.
"Б.Т.Тайсалова 2017-2018 жылдар аралығында Қазақстандағы шетелдік компанияның мүддесімен қазіргі уақытта халықаралық іздеуде жүрген адамдармен алдын ала сөз байласып әрекет еткені анықталды. Ол оларға тірі адамдардың органдарына қатысты заңсыз келісім жасауға қолғабыс еткен. Бұл мақсатта ол донор мен реципиенттің туыстық байланыстары туралы жалған құжаттарды пайдаланып, өтеусіз келісімді нотариалдық ресімдеу жүргізіп, Қазақстанның медициналық мекемелеріне ұсынып отырған.
Сондай-ақ, транспланттауды жүзеге асырған дәрігерлер Ғ.М.Құттымұратов пен А.А.Донбай құжаттардың жалған екенін білмейтіні анықталды, органдарды ауыстыру бойынша барлық операция тиісті құжаттарды ресімдей отырып, ресми түрде жүргізілді", - делінген сот хабарламасында.
Операциялар медициналық мекеменің бухгалтериясы арқылы жүргізілген, деп атап өтті соттағылар.
"Осыған байланысты Құттымұратов пен Донбай ағзаларды заңсыз ауыстыруда кінәсіз деп танылды. Сонымен қатар, Құттымұратов жүргізген трансплантация операциясының нәтижесінде науқас АИТВ жұқтырды, яғни өз міндеттерін тиісінше орындамады", - деп түсіндірді судья.
Құттымұратов Қылмыстық кодекстің 317-бабы, 5-бөлігі бойынша 2 жылға 6 айға бас бостандығынан айырылды. Сотта олар бұл мүмкін болатын ең жоғары жаза екенін атап өтті. Үкім заңды күшіне енген жоқ.
Тайсалова Қылмыстық кодекстің 28-бабы, 5-бөлігі, 116-бабы, 2-бөлігі, 3, 4-тармақшалары, 385-бабы, 3-бөлігі бойынша 6 жылға бас бостандығынан айырылды (жазаны 6 жыл 8 айдан асыруға болмайды).
Ғани Құттымұратов - медицина ғылымдарының докторы PhD, "Болашақ" стипендиаты, 2005-2008 жылдар аралығында. 2011-2013 жылдары Қазақстан денсаулық сақтау министрлігінің штаттан тыс бас трансплантологы, жоғары санатты дәрігер-трансплантолог.
Дәрігер мәйіт донорынан жүрек пен бүйрек алынып, 2012 жылы Қазақстанда алғаш рет жүрек трансплантациясы жүргізілген кезде Нұр-Сұлтанда органдарды алуды ұйымдастыруға және жүргізуге қатысқан.
Құттымұратов сонымен қатар 2016 жылы қант диабеті бар емделушіге Қазақстанда алғашқы рет ұйқы безі мен бүйректі транспланттауды ұйымдастырып, оның бастамашысы болған.
Қазақстан жаңалықтары. Соңғы жаңалықтар. Telegram желісінде бізге жазыл!
