+7 (777) 001 44 99
Қазақша
Русский
English
Шығыс Қазақстанда бұрынғы полиция қызметкері кәмелетке толмағандарға жыныстық зорлық жасады деген күдікке ілінді. Бұл туралы ақпарат әлеуметтік желілерде пайда болды, - деп хабарлайды Tengrinews.kz тілшісі.
Бұл ақпаратты Tengrinews.kz тілшісіне облыстық Полиция департаменті растады.
"Қылмысты Шығыс Қазақстан облысының полиция қызметкерлері анықтады. Қылмыстық іс қозғалды, күдіктілер ұсталып, уақытша ұстау изоляторына қамалды", – деп хабарлады баспасөз қызметі.
Сондай-ақ, ведомство күдіктілердің бірі бұрынғы полицей екенін де растады.
"А.Ж. ішкі істер органдарынан теріс негіздерге байланысты жұмыстан босатылған", – деді ведомство өкілдері.
Кәмелетке толмағандарға қатысты қылмыс Алтай ауданында бірнеше рет жасалғаны белгілі болды.
Зардап шеккендер – 16 жасқа толмаған жасөспірімдер, ал күдіктілердің жасы 29 және 35-те. Қазіргі уақытта тергеу шаралары жүргізіліп, оқиғаның барлық мән-жайы анықталып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
