"Екі адамды өлтірген" Қостанай тұрғынына айыппұл салынды

09 Желтоқсан 2014, 15:22
0
"Екі адамды өлтірген" Қостанай тұрғынына айыппұл салынды - ©fedpress.ru
©fedpress.ru

Қостанай облысы Жетіқара ауданының тұрғыны полицейлермен ерекше тәсілмен қалжыңдаспақ болған, - деп хабарлайды Tengrinews.kz тілшісі облыстық соттың баспасөз қызметіне сілтеме жасап. Ер адам аудандық ішкі істер бөліміне хабарласып, екі адамды өлтіргенін айтқан. 

Аудандық ішкі істер бөліміне мұндай хабар 15 қазанда келіп түсті. Іс материалдарына қарағанда, 1982 жылы туған ер адам мас күйде жалған хабар берген. Жетіқара қаласы құқық қорғау органының жасағы хабарласушы айтқан жерге барды. Кісі өлімі дерегі расталмады. Екі адамды өлтіру дерегі туралы жалған хабар бергені үшін бұзақыға 6,5 мың теңге көлемінде айыппұл салынды. 

Мұның алдында Алматы облысының полициясы ұрлық туралы істі тергеу барысында нағыз кісі өлтіру дерегін кездейсоқ әшкерелеген болатын. Алдымен құқық қорғау органдары ұрлық жасауға күдікті ретінде 23 жастағы тұрғынды ұстады. Ол бұдан да ауыр қылмыс жасағанын мойындады, күдікті Қабанбай ауылы маңындағы шаруа қожалығында екі адамды өлтірген. Оқиға орнынан ер адам мен әйел адамның зорлық белгілері бар денелері табылды. Күдікті бөтелкелесін және өзімен бірге тұратын әйелді қызғаныштан туған жанжал барысында өлтіргенін айтты. Ер адам қамауға алынды, оның үстінен қылмыстық іс қозғалды.  

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай