+7 (777) 001 44 99
Қазақша
Русский
English
Қазақша
Русский
English
Екібастұз әкімінің орынбасары пара алғаны үшін сотталды, - деп хабарлайды Tengrinews.kz тілшісі Сыбайлас жемқорлыққа қарсы іс-қимыл агенттігіне сілтеме жасап.
"2022 жылғы 6 маусымда Екібастұз қалалық соты Екібастұз әкімінің орынбасары Бауыржан Ахметовке және оның қарамағындағы ТКШ бөлімі басшысының орынбасары А.Садықов, сол бөлімнің бас маманы К.Түсіпбековке қатысты үкім шығарды", - делінген хабарламада.
Ведомство мәліметінше, олар мемлекеттік сатып алу шарттары бойынша орындалған жұмыстардың актілеріне қол қойғаны және қамқорлығы үшін кәсіпкерлерден жүйелі түрде пара алды деп айыпталған.
Сот үкімімен Бауыржан Ахметовке 8 жылға бас бостандығынан айыру жазасы тағайындалған, ал Түсіпбеков пен Садықов тиісінше 7 және 6 жылға бас бостандығынан айырылған.
Екібастұз қаласының әкімі А.А. Қаңтарбаевтың тікелей басшы ретіндегі жауапкершілігі туралы мәселе "Мемлекеттік қызмет туралы" заңның 60-бабының 2-тармағына сәйкес айыптау үкімі заңды күшіне енгеннен кейін қаралатыны белгілі болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
