+7 (777) 001 44 99
ПОДЕЛИТЬСЯ
Екібастұзда полиция мен прокуратура қызметкерлерінің бетіне оқ атқан екі азамат қамауға алынды, - деп хабарлайды Tengrinews.kz тілшісі Павлодар облыстық ІІД баспасөз қызметіне сілтеме жасап.
Екібастұзда полиция мен прокуратура қызметкерлерінің бетіне оқ атқан екі азамат қамауға алынды, - деп хабарлайды Tengrinews.kz тілшісі Павлодар облыстық ІІД баспасөз қызметіне сілтеме жасап.
Жедел мәліметтерге қарағанда, бұзақылар қамауға алынды. "Күдіктілер - 23 жастағы азаматтар. Олардың бірі Астана қаласындағы жоғары оқу орындары бірінің бесінші курс студенті. Ол жазғы демалыс уақытына Екібастұзға келген екен. Ал екінші күдікті Екібастұз қаласының тұрғыны болып шықты. Ол осыған дейін қылмыстық жауапкершілікке тартылған", - деп хабарлайды жергілікті полиция департаментінің баспасөз қызметіндегілер.
Айта кетейік, бұл оқиға Екібастұздағы дәмханалардың бірінде болған. Онда күдіктелер шу шығарған болатын. Сол уақытта дәмханада полиция мен прокуратура қызметкерлері болған. Олар жас жігіттердің тынышталуын сұраған. Алайда, бұзақылар оларға жауап ретінде травматикалық қарумен беттеріне оқ атып, оқиға орнынан жасырынған.
Содан 24 жастағы полиция қызметкері мен 30 жастағы прокурордың көмекшісі зардап шеккен. Олар оқиға орнынан ауруханаға жіберіліп, амбулаторлық ем алуға ауыстырылды. Айта кетейік, "Бұзақылық" бабы бойынша сотқа дейінгі тергеу жұмыстары жалғасып жатыр. Қамауға алынғандар әзірше түсінік берген жоқ.
