+7 (777) 001 44 99
Қазақша
Русский
English
Жамбыл және Алматы облыстарының кәсіпкерлерін үрейде ұстаған Тараздық қылмыстық топқа сот үкім шығарылды. Қаскөйлер бес жылда 12 бизнесменнің үйіне қарақшылық шабуыл жасаған, деп хабарлайды КТК арнасы.
"Бұлар таңертең, түн ішінде беттеріне маска киіп, қолдарына тапанша, пышақ, электрошокер пайдаланып, ұрып-соғып, үйдегі бар заттарын алып кеткен", - дейді судья Самат Төлесбай.
Жапа шеккендердің басым бөлігі - базар саудагерлері. Құрбандарының соңына түсіп мұқият зерттейтін қаскөйлер тіпті олардың күндік табысына дейін біліп отырған. Сөйтіп, қомақты қаржы жиналған күні тонауға кіріседі. Ақша мен құнды заттардың түгін қалдырмай әкетіп жүрген. Жалпы көлемі 20 миллион теңге шығын келтірген. Бес адамнан құралған қылмыстық топ тіпті, иесі бар үйлерге де ұрлыққа түскен. Сөйтіп, ақша бермейтіндерді қарумен қорқытып, үтікпен күйдіріп, азаптайтын болған. Кәсіпкерлерге қырғидай тиген қылмыстық топ жетекшісі 19 жыл, екеуі 17 жыл, тағы екеуі 10 жылға сотталды.
