+7 (777) 001 44 99
Қазақша
Русский
English
Екібастұздық жігіт өзінің сүйіктісінің тәнін саудалаған, - деп хабарлайды Tengrinews.kz тілшісі Павлодар облысы ІІД-нің баспасөз қызметіне сілтеме жасап.
Полицейлердің сөзінше, 29 жастағы Екібастұз қаласының тұрғыны 23 жастағы сүйіктісін жезөкшелікпен айналысуға мәжбүрлеген. Күдіктінің қызға төрт ай бойы қорлық көрсеткені анықталған. "Ұсталған азамат биыл мамырдан маусымға дейін күш көрсету мен қорқыту арқылы өзінің қызын жезөкшелікпен айналысуға мәжбүрлеген. Ол қаладағы сауналардың бірінде жұмыс істеген, бірге тұрып жатқан өз қызын да сол жерде саудалап, пайда тапқан", - дейді баспасөз қызметінің өкілдері.
Қазір ер адамға қатысты "Жезөкшелікпен айналысуға тарту" бабы бойынша сотқа дейінгі тергеу басталды. Бұл бап бойынша ер адам 3 000 АЕК айыппұл немесе үш жылға дейін бас бостандығынан айырылады, сондай-ақ мүлкі тәркілене отырып, үш жылға сотталуы мүмкін.
