+7 (777) 001 44 99
Қазақша
Русский
English
Қазақша
Русский
English
Еліміздің үш облысында және Алматыда арнайы операция кезінде 29 адам ұсталды, - деп хабарлайды Tengrinews.kz тілшісі Бас прокуратураның баспасөз қызметіне сілтеме жасап.
"Биыл 15-16 ақпанда Қазақстан Республикасының Бас прокуратурасының координациясымен Ұлттық қауіпсіздік комитеті және Сыбайлас жемқорлыққа қарсы күрес ұлттық бюросының қызметкерлері кеденмаңы саласындағы құқық бұзушылықтың жолын кесу, сондай-ақ ұйымдасқан қылмыстық топтарға қарсы күресті күшейту және еліміздің шекарасында контрабандалық әрекеттерді жою үшін Алматы, Жамбыл, Оңтүстік Қазақстан облыстарында және Алматы қаласында ірі масштабты арнайы операциялар жүргізді", - делінген хабарламада.
Арнайы операция барысында 29 күдікті ұсталды, оның 16-сы Алматы, Жамбыл облыстарында және Алматы қаласында, ал қалған 13-і Оңтүстік Қазақстан облысында.
"Ұсталғандар арасында кеден қызметінің және құқық қорғау органдарының шенді қызметкерлері, брокерлер, делдал, қылмыс әлемінің өкілдері, сондай-ақ Қырғыстан Республикасының екі азаматы бар. Жедел тергеу шаралары жалғасып жатыр", - деді Бас Прокуратура өкілдері.
