1. Басты
  2. Біл
  3. Оқиға
  4. Қылмыс

Елорда тұрғыны дәріхананы тонамақ болған

Елордалық полицейлер дәріханада психотроптық заттарды тонамақ болған күдіктіні ұстады, - деп хабарлайды Tengrinews.kz тілшісі Нұр-Сұлтан полиция департаментіне сілтеме жасап.

"Есіл аудандық полиция басқармасының криминалдық полиция қызметкерлері дәріханада фармацевтті тапаншаға ұқсас затпен қорқытып, психотроптық заттарды ұрламақ болған 2002 жылғы жігітті ұстады. Ол психикалық денсаулық проблемаларының медициналық орталығында есепте тұр", - деп хабарлады полиция өкілі.

Құқық қорғау органдары қылмыстық кодекстің 191-бабы бойынша сотқа дейінгі тергеу жүргізіп жатыр. 

Кадрларда кепка мен медициналық бетперде киген ер адам дәріханаға кіріп, кассаның жанында сөмкеден тапаншаға ұқсас затты алып шығады. 

Қазақстан жаңалықтары. Соңғы жаңалықтар. Telegram желісінде бізге жазыл!