Forbes тізіміндегі қазақстандық кәсіпкер қандай іс бойынша күдікке ілінгені анықталды

Дина Шарипханова Корреспондент

Анатолий Балушкин. Фото: facebook.com/bipek.kz

Қаржы мониторингі агенттігі (ҚМА) Forbes нұсқасы бойынша 50 кәсіпкер тізіміне енген "Азия-Авто" АҚ компаниялар тобының құрылтайшысы Анатолий Балушкинге іздеу жарияланғаны туралы ақпаратқа пікір білдірді, - деп хабарлайды Tengrinews.kz тілшісі.

Қаржы мониторингі агенттігі (ҚМА) Forbes нұсқасы бойынша 50 кәсіпкер тізіміне енген "Азия-Авто" АҚ компаниялар тобының құрылтайшысы Анатолий Балушкинге іздеу жарияланғаны туралы ақпаратқа пікір білдірді, - деп хабарлайды Tengrinews.kz тілшісі.

"Қаржылық мониторинг агенттігінің Шығыс Қазақстан облысы бойынша аумақтық департаменті "Азия-Авто" компаниялар тобының негізін қалаушы Анатолий Балушкинге қатысты Қылмыстық кодекстің 190-бабы 4-бөлігі "Алаяқтық" бойынша қылмыстық істі тергеп жатыр", - делінген хабарламада.

Онда сот сырттай бұлтартпау шарасына санкция бергені, кәсіпкерге іздеу жарияланғаны айтылады.

Өзге ақпарат тергеу мүддесінде жария етілмейді.

Айта кетейік, бұған дейін Forbes бойынша ең бай 50 кәсіпкер тізіміне енген қазақстандық Анатолий Балушкинге іздеу жарияланғаны хабарланған болатын.

Бизнесменді іздеу туралы хабарландыру бас прокуратураның Құқықтық статистика және арнайы есепке алу жөніндегі комитеті сайтында "қылмыскерлерді іздеу" бөлімінде пайда болды. Іздеу себептері туралы мәлімет жоқ, алайда сайт мәліметі бойынша Балушкин тергеуден қашып кеткен.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

іздеу қылмыс ШҚО кәсіпкер