Грозныйдың орталығында жойқын жарылыс болды

05 Қазан 2014, 21:27
0
Грозныйдың орталығында жойқын жарылыс болды - РИА Новости©
РИА Новости©

Грозный қаласының орталығында жойқын жарылыс болды, салдарынан төрт полиция қызметкерлері қаза болды, - деп хабарлайды РИА Новости РФ ІІМ баспасөз орталығына сілтеме жасап. 

Баспасөз орталығының мәліметі бойынша, жарылыс полиция қызметкерлері Қала күніне орай болып жатқан концертке кіруге бара жатқан күдікті ер азаматты тексеру барысында болған. "Концерт залының алдына орнатылған металл тексергіштің алдында сол аймақта күзет жүргізіп жүрген полиция қызметкерлері күдікті адамды байқаған. Полиция қызметкерлері күдіктіні тексеріп, жеке басын анықтауға кіріскенде ер адам өз-өзін жарып жіберді", - деп хабарлайды баспасөз орталығы. 

Жарылыстың салдарынан төрт полиция қызметкері қаза болды, тағы төртеуі жарақат алған. Полиция қызметкерлері өз-өзін жарып жіберген азаматтың жеке басын анықтап қойды. "Бұл екі ай бұрын үйінен кетіп, бүгінге дейін хабарсыз жүрген Старопромысловск ауданының тұрғыны", - дейді ІІД өкілі. Қазір жарылыс болған жерде Федералдық қауіпсіздік қызметі мен полиция жұмыс жасап жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай