+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жамбыл облысы Шу ауданына қарасты Белбасар ауылының маңындағы Қордай - Шу автожолында Ауғанстаннан келген 15 келі героиннің жолы кесілді, - деп хабарлайды Tengrinews.kz тілшісі. Қырғызстанның Ыстықкөл облысының тұрғыны героинды көлікпен тасымалдаған. Облыстық ІІД есірткі бизнесіне қарсы күрес басқармасының басшысы Шопырхан Жапабаевтың айтуынша, ұсталған адамнан 15,2 келі есірткі тәркіленді.
Жамбыл облысы Шу ауданына қарасты Белбасар ауылының маңындағы Қордай - Шу автожолында Ауғанстаннан келген 15 келі героиннің жолы кесілді, - деп хабарлайды Tengrinews.kz тілшісі. Қырғызстанның Ыстықкөл облысының тұрғыны героинды көлікпен тасымалдаған. Облыстық ІІД есірткі бизнесіне қарсы күрес басқармасының басшысы Шопырхан Жапабаевтың айтуынша, ұсталған адамнан 15,2 келі есірткі тәркіленді.
Құрықтау операциясы 2015 жылдың 1 сәуіріне қараған түні болды. ІІМ Есірткі бизнесіне қарсы күрес және есірткі айналымын бақылау комитеті мен облыстық ІІД есірткі бизнесіне қарсы күрес басқармасының қызметкерлері қырғызстандық әріптестерімен бірге жедел-іздестіру шараларын ұйымдастырды. Ұсталған жүргізушінің Бішкектен Санкт-Петербургке бағыт алғаны хабарланды. "Автокөлікті қарау кезінде арнайы жабдықталған құпия орында жалпы салмағы 15 келі 240 грамм болатын есірткі заттары бар 16 брикет табылды", - деді Жапабаев.
Оның айтуынша, героин Ауғанстаннан келген болуы мүмкін. "Брикеттерде қалықтап бара жатқан бүркіттің таңбаланған мөрдің баспа-таңбасы мен "777" саны жазылған, онда араб әліппесінің әріптерімен жазылған, бұл жайт героиннің Ауғанстан Ислам Республикасында жасалғанын көрсетеді", - деді Жапасбаев. Осы оқиғаға байланысты "Есiрткi заттарды немесе психотроптық заттарды дайындау немесе ұқсату үшiн пайдаланылатын заттарды, құрал-саймандарды немесе жабдықтарды өткiзу мақсатымен заңсыз дайындау, иемденiп алу, сақтау, тасымалдау, жөнелту, сол сияқты заңсыз өткiзу, оларды аса ірі мөлшерде өткізу" бабы бойынша қылмыстық іс қозғалды. Ұсталған адам Шу аудандық ішкі істер бөлімшесінің уақытша ұстау изоляторына қамалды. Сотқа дейінгі тергеу жүргізіліп жатыр.
