+7 (777) 001 44 99
Қазақша
Русский
English
Жамбыл облысының аумағында жүргізілген арнайы операция барысында ұйымдасқан қылмыстық топ ұсталды, - деп хабарлайды Тengrinews.kz тілшісі ҚР ІІМ ресми өкілі Алмас Сәдубаевқа сілтеме жасап.
"Ұйымдасқан қылмыстық топ мүшелері қалааралық бағыттағы көліктерден белгіленген сомада ақша алып тұрған. Заңсыз жолмен табылған ақша ары қарай түрмеде отырған қылмыстық әлем өкілдеріне аударылып отырған. Бұл ұйымдасқан қылмыстық топтың жылдық табысы 10 миллион теңгеден асатыны анықталды", - дейді Садубаев.
Ұсталған 6 адамнан және жүргізушілерден ақша жиналғаны туралы жазбалар және өзге айғақ заттар тәркіленді. Қазіргі кезде күдіктілер істерін мойындайтын куәлік беріп жатыр.
