Жамбыл облысында шенеунік өзінің орынбасары лауазымын сатпақ болған. Бұл туралы онлайн-брифингте Қазақстанның сыбайлас жемқорлыққа қарсы іс-қимыл агенттігінің бірінші департаментінің аса маңызды істер жөніндегі тергеушісі Данияр Бигайдаров айтты, - деп хабарлайды Tengrinews.kz тілшісі.
"Жамбыл облысы бойынша Сыбайлас жемқорлыққа қарсы қызмет Қазақстан Республикасы Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің Жамбыл облысы бойынша департаментінің басшысына қатысты сотқа дейінгі тергеуді бастады.
Ол өз орынбасарынан осы лауазымға тағайындауға жәрдем көрсеткені үшін 2 миллион теңге сомасында пара алу күдігіне ілінді. Тараз қаласының мамандандырылған тергеу соты күдіктіге қатысты үй қамақ түріндегі бұлтартпау шарасын санкциялады. Тергеу жалғасып жатыр", - делінген хабарламада.
Қазақстан жаңалықтары. Соңғы жаңалықтар. Telegram желісінде бізге жазыл!
