"Желіде әйелдерді алдаған". Нұр-Сұлтанда алаяқтың құрбандары іздестіріліп жатыр

Фото: polisia.kz

Нұр-Сұлтанда Желіде жалғызбасты әйелдермен танысып, оларды түрлі жолмен алдаған ер адам ұсталды. Қазір тәртіп сақшылары оның құрбандарын іздестіріп жатыр, - деп хабарлайды Tengrinews.kz тілшісі полиция департаментінің баспасөз қызметіне сілтеме жасап.

Нұр-Сұлтанда Желіде жалғызбасты әйелдермен танысып, оларды түрлі жолмен алдаған ер адам ұсталды. Қазір тәртіп сақшылары оның құрбандарын іздестіріп жатыр, - деп хабарлайды Tengrinews.kz тілшісі полиция департаментінің баспасөз қызметіне сілтеме жасап.

Күдіктінің жасы 34-те. Ол 40-50 жастағы әйелдермен Алмас немесе Алмат ретінде танысқан. Ер адам банктің қауіпсіздік қызметінде немесе мемлекеттік қызметте жұмыс істеймін деп алдаған.

"Ол құрбанының сеніміне кіріп, жоғары ақы төленетін лауазымды жұмысқа орналасу бойынша түрлі қызметтерді ұсынған.

Алданған әйелдердің бірі тіпті оған несиеге телефон алып берген. Алаяқ несиені өзі төлеймін деп уәде берген. Тағы бір әйелден тазалау қызметіне беру үшін қымбат тонын алып кеткен.

Қазіргі уақытта полиция қызметкерлері 8-ден аса жәбірленушіні анықтады", - дейді полиция өкілі.

Ұсталған ер адам қылмыстарын мойындады. ҚР ҚК-нің "Алаяқтық" бабы бойынша соталды тергеу жүргізіліп жатыр.

Алаяқ әрекетінен зардап шеккендер болса полиция департаментіне 61-30-68, 71-64-90, 71-65-58 нөмері бойынша хабарласа алады. 8-775-601-11-00 немесе 102.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Алаяқтық алаяқтар Нұр-Сұлтан желі Полиция