Жол полициясының командирі пара алғаны үшін 2,8 миллион теңге төлейді

05 Мамыр 2014, 15:18
0
Жол полициясының командирі пара алғаны үшін 2,8 миллион теңге төлейді -

Павлодар облысының ішкі істер департаментіне қарасты жол-патрульдік полициясының рота командирі пара алды деген күдікпен ұсталды, деп хабарлайды Tengrinews.kz тілшісі ҚР Экономикалық қылмысқа және сыбайлас жемқорлыққа қарсы күрес агенттігінің (қаржы полициясы) Павлодар облыстық департаментіне сілтеме жасап. 

Ресми ақпаратқа сәйкес, жол-патрульдық қызметтің лауазымды тұлғасы жеке меншік фирмалардың бірінен Қарабай ауылындағы "Павлодар - Ақсу" көпірінің құрылысына барар жолда жатқан Ленинский кенті арқылы жүріп-өткені үшін 150 мың теңге пара алған. Онымен қоймай, құрылыспен айналысқан фирмадан ол ақшаны ай сайын төлеп тұруды талап еткен. Тергеу кезінде парақор полицейдің бұл қылмысқа өз қызметтестерімен бірге барғаны анықталды.   

"Қазіргі кезде қылмыстық іс қозғалды. Ал күдікті азамат 2,8 миллион теңге көлемінде кепілзат төлеуге міндеттелді", - делінген ресми хабарламада.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай