Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Журналист Павлюктің өліміне қатысы бар екі күдікті ұсталды

07 Сәуір 2014, 15:01
0
Геннадий Павлюк
Геннадий Павлюк

Қырғыз Республикасы Ұлттық қауіпсіздік мемлекеттік комитетінің қызметкерлері Бішкекте қырғыз журналисі Геннадий Павлюктің өліміне қатысы бар күдіктілерді ұстады деп хабарлайды Tengrinews.kz Қырғызстанның Бас прокуратурасының баспасөз қызметіне сілтеме жасап. Павлюкті 2009 жылы Алматыда белгісіз біреулер өлтіріп кеткен еді.

Қырғызстанның Бас прокуратурасына Қазақстанның Бас прокуратурасынан Қырғыз Республикасы ҰҚМК-нің екі қызметкеріне қатысты қылмыстық қудалау ұйымдастыру үшін тиісті материалдар түскен. Қазақстанның Бас прокуратурасының мәліметінше, Геннадий Павлюкті өлтіруге қатысу дерегі бойынша әлгі екі қызметкерді айыпкер ретінде жауапқа тарту туралы қаулы шығарылған. Бұл іс бойынша тергеу тобы құрылып, жедел шаралар жүргізіліп жатыр.

Еске салайық, 2011 жылдың 10 қазанында Алматы ауданаралық соты журналист Павлюктің өлімі дерегі бойынша Қырғыз Республикасы ҰҚМК-нің бұрынғы қызметкері Алдаяр Исманқұлов пен Қазақстанның екі азаматы - Игіліков пен Орозалинге үкім шығарылған болатын. Қазақстандық полицияның мәліметінше,  2009 жылдың 16 желтоқсанында белгісіз біреулер Геннадий Павлюкті Алматыдағы тұрғын үйдің алтыншы қабатынан лақтырып жіберген. Оның аяқ-қолы скотчпен байланған болып шықты. Қырғызстандық әріптестері мен жақын туыстары Павлюктің өлімі оның кәсіби қызметімен байланысты екенін айтады және олардың айтуынша, журналистің өліміне Қырғызстанның экс-президентінің ағайыны Жаныбек Бакиевтің қатысы бар. Бірақ қазақстандық тергеушілер бұл өлімнің саяси тапсырыс екенін жоққа шығарған болатын.

 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай