+7 (777) 001 44 99
Қазақша
Русский
English
Заңгер Айман Омарова Қазақстандағы қаңтар оқиғасына кәсіби дайындалған топтар кем дегенде екі жыл дайындық жүргізгенін айтты, - деп хабарлайды Tengrinews.kz тілшісі.
Омарованың айтуынша, оқиғалар бұдан да ертерек өрбіп, ақпараттық дайындықтан басталған.
"Қаңтар оқиғасына кем дегенде екі жыл дайындалған, дегенмен лаңкестік ұяшықтар бар екені туралы ақпарат бұдан да ертерек тараған. Көбісі мұның бәрі бейбіт митингілерден басталды деп қателеседі. Шындығында, бәрі әлдеқайда ертерек - ақпараттық дайындықтан басталған. Бейбіт митингілер - көзімізбен көргеніміз", - деді заңгер Мәжілісте өткен жалпы отырыста.
Омарова қаңтар оқиғасы ақпараттық дайындық, ақпараттық соғыс және көшедегі оқиғалардан тұратынын айтты.
"Оқиғаларға, БАҚ берген ақпаратқа, қаңтар оқиғасы кезінде қолданылған технологияларға, соның ішінде халықты бақылау технологияларына, халықты жинау, оларды қылмыстық құқық бұзуға бағыттауға сүйене отырып, тәртіпсіздіктерді кәсіби дайындықтан өткен топтар басқарды деп анық айта аламыз. Олардың арасында тек бейбіт тұрғындар ғана емес, арнайы қызмет те, қылмыскерлер де бар. Оқиға авторларының іс-әрекеттері, технологиясы кеңестік жедел қызметшілерді даярлау мектебінің іс-қимылдарына өте ұқсас", - деді Айман Омарова.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
