+7 (777) 001 44 99
Қазақша
Русский
English
Қазақша
Русский
English
Қарағанды облысында мүмкіндігі шектеулі жандарға бөлінген бюджет қаражатын жымқыру дерегі тергеліп жатыр. Тапсырыс беруші ЖШС-ға бір жарым миллион теңгеге жуық қаражатты негізсіз төлеген, - деп хабарлайды Tengrinews.kz тілшісі Қаржы мониторингі агенттігіне сілтеме жасап.
"ҚМА Қарағанды облысы бойынша департаменті Qamqor жедел-алдын алу шарасы барысында анықталған мүмкіндігі шектеулі жандарды санаториялық-курорттық емделу, сауықтыру демалысымен қамтамасыз етуге бөлінген бюджет қаражатын жымқыру қылмыстық схемасы бойынша істі тергеп жатыр.
Тергеу барысында тапсырыс беруші мен ЖШС арасында мерзімі наурыздан желтоқсанға дейін мүгедектерді санаториялық-курорттық емдеу, емдік-сауықтыру демалысын қамтамасыз ету бойынша 50 миллион теңгеге жуық сомаға мемлекеттік сатып алу туралы келісімшарт жасалғаны анықталды", - делінген хабарламада.
ҚМА мәліметінше, тапсырыс берушінің сыбайлас жемқорлық тәуекелдерінің ішкі талдауын тексеру актісімен, мүгедектердің шипажайға барудың жалған деректері анықталған.
"ЖШС-ға бір жарым миллион теңгеге жуық қаражат негізсіз төленген. Тергеу жалғасып жатыр. ҚР ҚПК-ның 201-бабына сәйкес тергеу мүддесіндегі өзге де мәлімет жария етілмейді", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
