+7 (777) 001 44 99
Қазақша
Русский
English
Қарағандыда құтқарушылар пәтерлердің бірінен басына балта қадалған әйелдің мәйітін тапты, - деп хабарлайды eKaraganda.
Әйелдің қызы мен немересінен шақырту 23 сәуірде кешкі уақытта түскен. Соңғы уақытта егде жастағы әйел байланысқа шықпай кеткен, баспанасына кіруге де мүмкіндік болмаған, есік жабық тұрған.
Оқиға орнына келген мамандар бесінші қабаттағы пәтерге ашық тұрған терезе арқылы кірген. Зейнеткер залда жатқан. Оның басына балта қадалып тұрған. Полицейлер оқиға орнын дереу қоршауға алған.
"Қызы асханадағы терезесінің ашық тұрғанын айтты. Мен шатырдан түсіп қарасам, терезе ашық екен, кірдім де, дереу есікті ашып, полицейлерді ішке кіргіздім. Полиция залға кірсе - бір әже жатыр, үстіне көрпе жабылыпты, басына балта қадалған", - деп хабарлады құтқарушы Тұрсынхан Тоқтасов.
Басылым журналистері зейнеткердің немересінің психикасы бұзылғанын анықтапты. Тергеу жүріп жатыр.
