Қарағандыда өрт сөндіру бөлімінің күзет бастығы әріптесін пышақтап өлтірді

30 Қыркүйек 2014, 21:07
0
Қарағандыда өрт сөндіру бөлімінің күзет бастығы әріптесін пышақтап өлтірді - Тengrinews © мұрағатынан алынды
Тengrinews © мұрағатынан алынды

Қарағанды облыстық Төтенше жағдайлар департаменті өрт сөндіру бөлімінің күзет бастығы әріптесін пышақтап тастады, - деп хабарлайды Tengrinews.kz тілшісі. Қайғылы оқиға күрежол бойындағы кафелердің бірінде болған.

Қарағанды-Қарқаралы тас жолы бойында орналасқан кафеде Қарағанды облысы бойынша Төтенше жағдайлар "Өрт сөндіру және құтқару қызметі" ММ-нің №40-өрт сөндіру бөлімінің күзет бастығы сол бөлімшенің командиріне пышақ кезеп, оны бірнеше жерінен ауыр жаралаған. Қарқаралы аудандық "Жедел жәрдем қызметі" станциясы таратқан мәліметке қарағанда, 1986 жылы туған өрт сөндіру бөлімінің командирі жансақтау бөліміне жеткізілгенімен жарақаттың ауыр болуына байланысты көп ұзамай жан тапсырған.

"Жарақаттанған адам өте ауыр халде болды. Ол біз келгенше халықаралық маңызға ие күрежол бойында ұзақ жатып қалыпты", - деді "Жедел жәрдем қызметіндегілер". Полиция қызметкерлері әріптесін жарақаттаған 1979 жылы туған күзет бастығын қамауға алды. Ол өз кінәсін бірден мойындаған. Оның сөзіне қарағанда, әріптесіне қол жұмсауына арадағы текетірес себеп болған.  


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай