+7 (777) 001 44 99
Қазақша
Русский
English
28 қазан 2021 | 14:07
Қарағандыда такси жүргізушісіне жасалған шабуылдың мән-жайы айтылды
Қарағанды облысының Полиция департаменті 27 қазанға қараған түні Майқұдықта такси жүргізушісіне жасалған шабуылға қатысты пікір білдірді. Министрлік мәліметінше, жаяу жүргінші оқ атқан, - деп хабарлайды Tengrinews.kz тілшісі.
ПОДЕЛИТЬСЯ
Қарағанды облысының Полиция департаменті 27 қазанға қараған түні Майқұдықта такси жүргізушісіне жасалған шабуылға қатысты пікір білдірді. Министрлік мәліметінше, жаяу жүргінші оқ атқан, - деп хабарлайды Tengrinews.kz тілшісі.
Такси жүргізушісіне жасалған шабуыл әлеуметтік желіде резонанс тудырды. Қарағанды облысы Полиция департаментінің баспасөз қызметі оқиғаға қатысты жаңа мәлімет жариялады. Ведомство мәліметінше, жолаушы мен такси жүргізушісі арасында жанжал шыққан.
Белгілі мәліметке сүйенсек, 55 жастағы мас жолаушы жол ақысын төлеуден бас тартып, такси жүргізушісі екеуі арасында жанжал шыққан. Жанжал кезінде жолаушы пышақ алып, жүргізушіге ұмтылған. Бұл кезде жүргізуші қашып үлгерген. Осы кезде сол маңнан өтіп бара жатқан жаяу жүргінші көмекке келген. Екеуі жолаушыны көліктен түсірмек болғанда, ол пышақ сермеп, қарсылық танытқан.
"Жаяу жүргінші белгісіз травматикалық қарумен бірнеше рет оқ атқан. Полиция қызметкерелері мас күйдегі 55 жастағы ер адамды ұстады. Оған медициналық көмек көрсетілді. Дерекке қатысты ҚР Қылмыстық кодексінің 293-бабы "Бұзақылық" бойынша соталды тергеу амалдары басталды. Қазіргі уақытта оқ атқан адамның жеке басы анықталып жатыр", - деп толықтырды ведомство өкілдері.
Еске салайық, Майқұдық тұрғындары такси жүргізушісі мен жолаушы арасындағы жанжалды видеоға түсіріп алғаны хабарланған болатын. Куәгерлердің айтуынша, төбелес кезінде жолаушы жүргізушіге үш рет оқ атқан.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
