+7 (777) 001 44 99
Қазақша
Русский
English
Қазақша
Русский
English
Қарағанды облысының Абай аудандық №2 соты 25 жастағы ер адамды адам өліміне әкеп соққан жол апатын жасау бойынша айыпты деп таныды, - деп хабарлайды "ОСА" қоғамдық бірлестігінің сайты.
Соттың мәліметінше, ер адам күйеу жігіт пен қалыңдық отырған BMW автомобилін жүргізу кезінде тізгінге ие бола алмай қалған. Көлік аударылып кеткен. Жүргізушінің кесірінен жол-патрульдік полициясының қызметкері болып жұмыс істейтін күйеу жігіт қаза болды. Оның қалыңдығы мен бір жолаушы жарақат алды.
Сарапшылардың шығарған қорытындысына сәйкес, сонымен қатар тірі қалған қалыңдықтың сөзіне қарағанда, жүргізуші шамамен сағатына 120 шақырым жылдамдықта келе жатқан. "Қалыңдық тіпті оған ескерту жасаған, алайда күйеу жігіт алаңдамауын сұрап, тынышталдырған", - деп жазады басылым соттың құжаттарынан.
Той кортежінің жүргізушісі Қылмыстық кодекстің 296-бабы бойынша айыпты деп танылды. Басылымның мәліметінше, сот мұндай жеңіл жазаны жүргізушінің қаза тапқан жігіттің туыстарына өтемақы бергеніне және жәбірленуші тараптың соттан оны қатаң түрде жазаламауын сұрағандығынан шығарыпты.
