Қарағандыдағы жемқорлық дауы: аудан әкімінің орынбасары мен бөлім басшысы ұсталды

Дина Шарипханова Корреспондент

Қарағандыда Әлихан Бөкейхан ауданы әкімінің орынбасары пара алды деген күдікпен ұсталды. Ол ТКШ мәселелері бойынша жетекшілік еткен, - деп хабарлайды Tengrinews.kz тілшісі.

Қарағандыда Әлихан Бөкейхан ауданы әкімінің орынбасары пара алды деген күдікпен ұсталды. Ол ТКШ мәселелері бойынша жетекшілік еткен, - деп хабарлайды Tengrinews.kz тілшісі.

Аудан әкімі орынбасарының ұсталғаны туралы ақпаратты Қарағанды облысы бойынша сыбайлас жемқорлыққа қарсы күрес департаментінің басшысы Мұрат Түлеубаев растады. Ол әкім орынбасарымен қатар әкімдіктегі басқармалардың бірінің басшысы да ұсталғанын атап өтті. Мемлекеттік қызметшілер кәсіпкерден 500 мың теңге көлемінде пара алды деген күдікке ілінген.

"Факт болды. Мен бұл деректі растаймын. Әлихан Бөкейхан ауданы әкімінің орынбасары мен бөлім басшысы ұсталды. Соңғысы делдал болған. Олар тікелей өз міндеттеріне кіретін функцияларды орындағаны үшін кәсіпкерден 500 мың теңге алған. Қазір осыған қатысты қылмыстық іс тергеліп жатыр. Ол әлі аяқталған жоқ. ҚР Қылмыстық-процестік кодексінің 201-бабына сәйкес соталды тергеп-тексеру мәліметін таратуға құқығымыз жоқ", - деді Мұрат Түлеубаев.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Қарағанды Сыбайлас жемқорлық