+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Өткен қараша айында Астанада болған жаппай төбелес бойынша сот отырысы басталды деп хабарлайды Tengrinews.kz. Бұзақылық жасағандар Сарыарқа ауданының №2 сотында жауап беріп жатыр. Айыпкерлер үшеу, оларға қатысты айыптау қорытындысын оқыған прокурор Бауыржан Құлмағамбет төбелес кезінде бұзақылардың бірі – Мамбиннің қалтасынан алдын ала дайындалған кастетті шығарып, онымен үш жәбірленушіні сабағанын айтты. Жәбірленушілер – Оразалин мен ағайынды Қожабековтер есінен танып құлағаннан кейін де айыпкер оларды ұрып-соғуын тоқтатпаған. Прокурордың айтуынша, Мирас Мамбин Қылмыстық кодекстің 257-бабының 3-бөлімінде қарастырылған қылмысты жасады. Ал қалған екі айыпкер – Руслан Мусинов пен Құмар Оспанов осы баптың 2-бөлімі бойынша айыпталады. Жауап алу кезінде Асқар Қожабеков пен Бақтияр Оразалин оқиғаның мән-жайын толық есіне түсіріп айта алмады. Дегенмен оның алғашқы соққыны басынан алғаны белгілі болды. Үшеуі үш қарсыласынан кезек-кезек таяқ жеген. Оразалиннің айтуынша, бірінші соққыдан оның көзілдірігі сынған, көзі нашар көретіндіктен, ол өзін кімнің бірінші ұрғанын байқай алмапты. Прокурор да, жәбірленушілердің адвокаты да, ақпарат құралдарына түсінік беруден бас тартты. Процесс барысында айыпкерлердің жоғары білімі бар екені, бірақ еш жерде жұмыс істемейтіні мәлім болды. Судья Нәби Пазылов отырысты 11 ақпанда жалғастыратын болды. Оған жәбірленушілердің бірі Аслан мен тағы екі куәгер қатысуы тиіс. Бұған дейін осы төбелеске қатысты қозғалған қылмыстық істің 24 қаңтар күні сотқа жолданғаны хабарланған болатын. Тұтқындалғандар ешқайда кетпеу туралы қолхатпен босатылған-ды. Еске сала кетейік, Астанада Кенесары және Желтоқсан көшелерінің қиылысында кескілескен төбелес 2013 жылдың 22 қарашасында болды. Төбелес бейнебақылау қондырғысына түсіп қалып, кейін ғаламторда жарияланды. Оқиға салдарынан бір жігіт ауруханаға түсті. Тағы екі зардап шегушіге медициналық жәрдем көрсетілді. Патрульдік полиция замандастарын аяусыз ұрып соққан бес адамды қолға түсірді, олардың жас шамасы - 25 пен 28 аралығында. Астана қалалық ішкі істер департаменті мамандарының мәліметінше, әуелі дәмханада отырған екі топ өзара жанжалдасып қалған. Оның арты көшедегі бұзақылыққа ұласқан. Айыпкерлер 3-7 жылға бас бостандығынан айырылуы мүмкін.
Өткен қараша айында Астанада болған жаппай төбелес бойынша сот отырысы басталды деп хабарлайды Tengrinews.kz.
Бұзақылық жасағандар Сарыарқа ауданының №2 сотында жауап беріп жатыр. Айыпкерлер үшеу, оларға қатысты айыптау қорытындысын оқыған прокурор Бауыржан Құлмағамбет төбелес кезінде бұзақылардың бірі – Мамбиннің қалтасынан алдын ала дайындалған кастетті шығарып, онымен үш жәбірленушіні сабағанын айтты. Жәбірленушілер – Оразалин мен ағайынды Қожабековтер есінен танып құлағаннан кейін де айыпкер оларды ұрып-соғуын тоқтатпаған.
Прокурордың айтуынша, Мирас Мамбин Қылмыстық кодекстің 257-бабының 3-бөлімінде қарастырылған қылмысты жасады. Ал қалған екі айыпкер – Руслан Мусинов пен Құмар Оспанов осы баптың 2-бөлімі бойынша айыпталады. Жауап алу кезінде Асқар Қожабеков пен Бақтияр Оразалин оқиғаның мән-жайын толық есіне түсіріп айта алмады. Дегенмен оның алғашқы соққыны басынан алғаны белгілі болды. Үшеуі үш қарсыласынан кезек-кезек таяқ жеген. Оразалиннің айтуынша, бірінші соққыдан оның көзілдірігі сынған, көзі нашар көретіндіктен, ол өзін кімнің бірінші ұрғанын байқай алмапты.
Прокурор да, жәбірленушілердің адвокаты да, ақпарат құралдарына түсінік беруден бас тартты. Процесс барысында айыпкерлердің жоғары білімі бар екені, бірақ еш жерде жұмыс істемейтіні мәлім болды. Судья Нәби Пазылов отырысты 11 ақпанда жалғастыратын болды. Оған жәбірленушілердің бірі Аслан мен тағы екі куәгер қатысуы тиіс.
Бұған дейін осы төбелеске қатысты қозғалған қылмыстық істің 24 қаңтар күні сотқа жолданғаны хабарланған болатын. Тұтқындалғандар ешқайда кетпеу туралы қолхатпен босатылған-ды. Еске сала кетейік, Астанада Кенесары және Желтоқсан көшелерінің қиылысында кескілескен төбелес 2013 жылдың 22 қарашасында болды. Төбелес бейнебақылау қондырғысына түсіп қалып, кейін ғаламторда жарияланды. Оқиға салдарынан бір жігіт ауруханаға түсті. Тағы екі зардап шегушіге медициналық жәрдем көрсетілді. Патрульдік полиция замандастарын аяусыз ұрып соққан бес адамды қолға түсірді, олардың жас шамасы - 25 пен 28 аралығында.
Астана қалалық ішкі істер департаменті мамандарының мәліметінше, әуелі дәмханада отырған екі топ өзара жанжалдасып қалған. Оның арты көшедегі бұзақылыққа ұласқан. Айыпкерлер 3-7 жылға бас бостандығынан айырылуы мүмкін.
