"Қазақстан тұрғын үй компаниясы" басқарма төрағасының орынбасарына қатысты қылмыстық іс сотқа жолданды, - деп хабарлайды Tengrinews.kz тілшісі.
"Сыбайлас жемқорлыққа қарсы қызмет Қазақстандағы тұрғын үй құрылысының бірыңғай операторы саналатын және "Бәйтерек" холдингіне кіретін "Қазақстан тұрғын үй компаниясы" АҚ басқарма төрағасының орынбасарына қатысты қылмыстық істі жедел түрде сотқа жолдады.
Ол заңды тұлғаның құрылтайшысынан ортақ мүлікті басқару (жылу және электрмен қамтамасыз ету) бойынша ұйымның қызмет көрсету актісіне қол қойғаны үшін 2,4 миллион теңге сомасында пара алды деген күдікке ілінді", - деді Сыбайлас жемқорлыққа қарсы қызметтің аса маңызды істері жөніндегі тергеушісі Данияр Биғайдаров.
Енді шенеуніктің кінәсі бар-жоғын сот анықтайды. Биғайдаров тергеу мүддесінде басқа ақпарат жарияланбайтынын айтты.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
