+7 (777) 001 44 99
Қазақша
Русский
English
Қазақша
Русский
English
Қазақстанда жыл басынан бері экстремистік сипаты бар 15 ғаламтор-ресурсы анықталды, деп хабарлайды Tengrinews.kz тілшісі ҚР Бас прокуроры Асхат Дауылбаевқа сілтеме жасап.
"Бүгінде діни экстремизм мен терроризмге қарсы күрес шаралары күшейді. 2014 жылдың бірінші жартыжылдығында прокурорлардың арыздары бойынша 15 ғаламтор-ресурстарының (сан алуан сайттар - авт.) өнімі заңсыз деп танылды. Сондай-ақ сот шешіміне сәйкес, экстремистік сипаты бар 175 ақпараттық материалды таратуға тыйым салынды", - деді Дауылбаев Бас прокуратураның кеңейтілген алқа мәжілісінде. Баспасөз қызметінің хабарлауынша, экстремистік сипаты бар барлық сайттар жабылды.
Жалпы, бірінші жартыжылдықта прокурорлар әлеуметтік-экономикалық сипаты бар 269 мыңнан астап тәртіп бұзушылықтарды анықтады. 300 қылмыстық іс қозғалып, 35 мыңнан астам адам жазаға тартылды.
