+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Оңтүстік Кореяның Чонджу қаласында Қазақстан азаматы төбелес кезінде пышақ жарақатынан қайтыс болды, - деп хабарлайды Tengrinews.kz тілшісі Cj-ilbo сайтына сілтеме жасап.
Оңтүстік Кореяның Чонджу қаласында Қазақстан азаматы төбелес кезінде пышақ жарақатынан қайтыс болды, - деп хабарлайды Tengrinews.kz тілшісі Cj-ilbo сайтына сілтеме жасап.
Бұқаралық ақпарат құралдарының хабарлауынша, марқұмның денесі 12 қазанда жергілікті уақыт бойынша шамамен 16.51-де табылған. Ер адам жедел жәрдем бөлімінде мойнындағы пышақ жарақатынан қайтыс болған. Оқиға куәгері полицияға хабарласқан.
Оқиға орнында адам өлтірді деген күдікті ұсталды. Ол да Қазақстан азаматы екені анықталды.
Оқиғаның егжей-тегжейін Оңтүстік Кореяда тұратын блогер Самат Ахметов айтты.
"Адам өліміне әкелген төбелеске қатысушылар - немере ағайындылар. Олар - Түркістан облысы Жетісай ауданының тұрғындары. Тергеу нәтижесінде ағайындылардың бірі суға түсіп шыққан кезде екіншісін ұрған. Ол 26 пышақ жарақатын салған, алтауы мойнына бағытталған. Екеуі де есін білген және психикалық ауруханада тіркелмеген", - деді Самат Ахметов.
Суретте блогер Самат Ахметов оқиға орнында
Блогердің айтуынша, адам өлтірді деген күдікті қазақстандық алты күннен бері ешкіммен сөйлеспеген.
"Мен кеше сөйлесуге келдім, 17 минутта екі-ақ сөз айтты. Ол 14 қазанда Қазақстанға оралу керек болған. Оның қылмысы аса ауыр қылмыс деп саналады, сондықтан Корея билігі жазасын сол ел аумағында өтейтіні туралы айтты", - деді Самат Ахметов.
Самат Ахметов төрт жыл бойы қазақстандықтарға және ТМД-дан келген басқа иммигранттарға Оңтүстік Кореяда құқықтық мәселелер бойынша көмек көрсетеді, сондай-ақ, мәйіттерді тасымалдауға көмектеседі.
"Кеше марқұмның денесін алдым. Әкесі қазір осында. 21 қазанда оны Шымкент әуежайына жеткіземіз", - деп аяқтады ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
