+7 (777) 001 44 99
Қазақша
Русский
English
Нұр-Сұлтан әуежайында елге заңсыз алтын кіргізбек болған ер адам ұсталды, - деп хабарлайды Tengrinews.kz тілшісі Ұлттық қауіпсіздік комитетінің Шекара қызметіне сілтеме жасап.
Ыстамбұл-Нұр-Сұлтан халықаралық рейс жолаушыларын шекаралық бақылау пунктінен өткізу кезінде заңсыз зергерлік бұйымдарды елге кіргізбек болған Қазақстан азаматы ұсталды.
"Алтын бұйымдардың жалпы салмағы 34 келіден асты. Ұсталған тауардың алдын ала сомасы миллиард теңгеден асады", - делінген хабарламада.
Құқық бұзушылық Қылмыстық кодекстің 234-бабының 1-бөлігі "Аса ірі көлемдегі экономикалық контрабанда" бойынша тіркелді.
Фото: Ұлттық қауіпсіздік комитетінің шекара қызметі
Ұсталған азамат пен алтын бұйымдар одан ары сот ісін жүргізу үшін Қаржы мониторингі агенттігінің Нұр-Сұлтан қаласы бойынша экономикалық тергеу бөліміне беріледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
