+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Петропавл қалалық соты пара алу ісіндегі басты фигурантқа қатысты сот үкімін шығарды. Асқар Жанкин мемлекет пайдасына 119 миллион теңге төлейтін болды. Сондай-ақ, бұл сома 1 миллион теңгеге азайтылған. Себебі ол ақпан-тамыз айлары аралығында қамауда болған, - деп хабарлайды Tengrinews.kz тілшісі.
Петропавл қалалық соты пара алу ісіндегі басты фигурантқа қатысты сот үкімін шығарды. Асқар Жанкин мемлекет пайдасына 119 миллион теңге төлейтін болды. Сондай-ақ, бұл сома 1 миллион теңгеге азайтылған. Себебі ол ақпан-тамыз айлары аралығында қамауда болған, - деп хабарлайды Tengrinews.kz тілшісі.
Петропавл қалалық сотының үкімімен Асқар Жанкин ҚР Қылмыстық кодексінің 366-бабына сәйкес ("Пара алу"), айыпты деп танылды. Жаза ретінде оған 119 миллион теңге айыппұл салынды. Айта кетейік, мемлекеттік айыптаушы осыған дейін оны 4 жылға қамауға алуды сұраған болатын. Бірақ сот Асқар Жанкиннің кінәсін мойындағанын ескере отырып, осындай шешім шығарды.
"119 миллион теңге көлемінде айыппұл салынсын. Сондай-ақ, мүлкі тәркіленіп, мемлекеттік қызметте және мемлекеттік органдарда жұмыс істеу құқығынан өмір бойына айырылсын. Сотталушы сот үкімі заңды күшіне енгеннен кейін 1 ай ішінде айыппұлды төлеуі керек", - деп оқыды үкімді Павлодар қалалық сотының судьясы Айдархан Жанақов.
Ол мерзім жеткілікті болмаған жағдайда айыппұлды алты айға дейін бөліп төлей алады.
Қазіргі уақытта Асқар Жанкин елден шықпау туралы қолхатпен қамаудан босатылды.
Еске сала кетейік, "ҚазАвтоЖол" филиалының жетекшісі Асқар Жанкин 4 миллион теңге көлемінде пара алды деген күдікпен ұсталған болатын. "Ол "Нұрлы жол" мемлекеттік бағдарламасының аясында Ұлттық қор есебінен республикалық маңызы бар автомобиль жолдарының құрылысын жүргізумен айналысатын мердігер ұйымға жебеушілік көрсету үшін 4 миллион теңге көлеміндегі заңсыз сыйақы алған", - деп мәлімдеген еді Ұлттық бюродағылар.
