Кентау әкімінің орынбасары сотталды

13 Ақпан 2018, 12:54
0
Кентау әкімінің орынбасары сотталды - © Тұрар Қазанғапов
© Тұрар Қазанғапов

Кентау қаласы әкімінің орынбасары Берік Кнатовқа қатысты жемқорлық ісі бойынша сот үкімі шықты, - деп хабарлайды Tengrinews.kz тілшісі. Сот үкімі Кентау қалалық сотының кабинетінде жарияланды. 

"Кнатов Берік Кыстаубайұлы ҚР Қылмыстық кодексінің 366-бабы 2-бөлігі ("Айтарлықтай мөлшерде жасалған дәл сол іс-әрекет, сол сияқты заңсыз әрекеттері (әрекетсiздiгi) үшiн пара алу") бойынша кінәлі деп танылсын, осы баппен оған өмір бойы мемлекеттік қызмет атқару құқығынан айырып, 3 (үш) жыл мерзімге бас бостандығынан айыру жазасы тағайындалсын, жазаны қылмыстық-атқару жүйесінің орташа қауіпсіз мекемесінде өтеу белгіленсін", - делінген сот үкімінде. Сот үкімі әзірге заңды күшіне енген жоқ. 

Еске салайық, 2017 жылы қазанда Кентау әкімінің орынбасары парамен ұсталды. Тергеу нұсқасы бойынша, Берік Қанатов әкімдікке есеп беруші ЖОО басшысынан 3,5 миллион теңге пара алған. "Бұл сома - өзіндік бір пара берудің түрі. Бұл "Тұрғын үй-коммуналдық шаруашылығын жаңғыртудың 2020 жылға дейінгі" бағдарламасы аясында тұрғын үйлерге күрделі жөндеу өткізу үшін бөлінген қаржының берілген 15 пайызы", - делінген Ұлттық бюро департаментінің хабарламасында. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай