+7 (777) 001 44 99
Қазақша
Русский
English
Қазақша
Русский
English
Павлодарда ұрлық фактісі бойынша сотқа дейінгі тергеу басталды, - деп хабарлайды Tengrinews.kz тілшісі.
Әлеуметтік желіде Естай, 40 мекенжайында орналасқан Halyk bank бөлімшесінде қабырға бұзылды деген хабарлама таралды. Белгісіз адамдар банктердің бірінің филиалының қабырғасын тесіп ұрлық жасағаны туралы айтылды.
Облыстық полиция департаменті баспасөз қызметі мәліметінше, полиция қызметкерлері осы дерекке қатысы бар адамдарды анықтау бойынша жедел-іздестіру іс-шараларын жүргізіп жатыр.
"11 қарашада сағат 9:30-да полицияға банктердің бірінің филиалында қабырғаның бұзылғаны анықталды деген қоңырау түсті. Оқиға орнына полиция департаментінің басшылығы мен жедел-тергеу тобы келді", - деді департаментте.
Полиция мәліметінше, қазір оқиға орнында жедел топ жұмыс істеп жатыр, қанша ұрланғаны да анықталып жатыр.
Halyk bank баспасөз қызметі де оқиғаға қатысты ақпаратты растады.
"11 қарашада таңертең банкке 11 қарашаға қараған түні Естай көшесі, 40 мекенжайындағы Павлодар қаласындағы Halyk бөлімшесіне белгісіз адамдар кіргені туралы хабар түсті. Оқиға орнында жедел-тергеу тобы жұмыс істеп жатыр. Halyk филиалының қызметкерлері залал сомасын және істің басқа да мән-жайын анықтау үшін жүргізіліп жатқан тергеуге жәрдемдеседі", - делінген банктің баспасөз қызметі хабарламасында.
Банктің баспасөз қызметі қала тұрғындарын осы іс бойынша кез келген ақпаратты таратпауға жауапкершілікпен қарауға шақырды.
Саяхат қызықтары мен пайдалы ақпаратты Instagram және Facebook парақшаларынан оқи аласыз!
